श्रीक्षेत्र तुळजापूर ट्रस्ट विषयी सर्वसाधारण माहिती खालील प्रमाणे आहे.

• मंदिर व्यवस्थापनासाठी जिल्हाधिकारी, धाराशिव यांचे अध्यक्षतेखाली पदसिद्ध विश्वस्त समिती असून, मंदिर समिती मार्फत, विविध विकासात्मक कामे केली जातात.
• तसेच श्री देविजींची यात्रा१२ ही महिने चालू असते. यामध्ये मुख्य यात्रा / उत्सव :-

१. शारदीय नवरात्र महोत्सव

२. शाकंभरी नवरात्र महोत्सव

३. अश्विन पोर्णिमा

४. चैत्री पोर्णिमा

• शारदीय नवरात्र महोत्सव हा श्री देविजीच्या साज-या होणा-या यात्रा उत्सवापैकी महत्वाचा उत्सव असून अश्विन शुद्ध प्रतिपदा ते अश्विन वद्य १६ या कालावधीत हा महोत्सव साजरा होतो.
• नवरात्रीच्या नऊ दिवसांसह दशमी व कोजागिरी पोर्णिमा या दिवशी खूप मोठ्या प्रमाणावर संपूर्ण राज्यासह शेजारील अनेक राज्यातून भाविक श्री देविजींच्या दर्शनासाठी येतात.
• तसेच मंदिरात दररोज विविध प्रकारच्या पूजा होत असतात जसे कि ओटी भरण, अभिषेक पूजा, सिंहासन महापूजा, गोंधळ पूजा, दंडवत, जावळ काढणे इत्यादी.
• मंदीर संस्थान मार्फत भाविकांना विविध सुविधा उपलब्ध करून दिल्या आहेत. उदा. भक्तांसाठी निवास व्यवस्था, धर्मशाळा, दर्शन पास इत्यादी.